Los 21 e 22 de genèr se debanarà a l'Ostau de las Sciéncias Umanas de Bordèu (MSH-Bx) lo workshop internacionau RECLAM (REconnaissance et Catégorisation des LAngues Minor(is)ées). Se poderà tanben seguir sus Zoom. Trobaratz totas las informacions e los ligams de connexion ací : https://mshbordeaux.hypotheses.org/12690

RECLAM qu'es un projècte de collaboracion entre doctorantas en (socio)lingüistica, didactica de las lengas e dret de l'universitat Bordèu Montanha e de l'universitat de São Paulo au Brasil.

Lo worshop que perpausa ua reflexion a l'entorn de la categorizacion de las lengas ditas minorizadas, minorées, minoritaires, régionales, minority languages, indigènes, autochtones, patois, etc, e de crotzar experiéncias et practicas de recèrca en contèxte minorizat d'un costat e de l'aute de la Mar Grana.

Lo workshop que serà "multimodau" e perpausarà 3 formats de comunicacion:

-          Conferéncias de Philippe Blanchet  (universitat de Rennes 2), "Clarifier la terminologie conceptuelle à propos des langues dites minoritaires : une proposition", e  de Valdir Heitor Barzotto (universitat de São Paulo), "Avant d'étudier une langue et de l'enseigner : reconnaissez-la" ;

-          Communicacions scientificas ;

-          Talhèrs d'ajuda a projèctes doctorants : presentacion d'un projècte de recèrca e questions metodologicas a un "collègi" d'expèrts.

Las lengas principaus de comunicacion deu workshop que seràn lo francés e lo portugués (e se besonh lo castelhan). Las presentacions oraus que's poderàn tanben  har en la lenga minorizada estudiada. Totas las presentacions que seràn disponiblas suu siti de la MSH-Bx en francés e en portugués entà que cada persona e las posqui seguir en dirècte en la lenga de la soa causida, quau que sii la lenga de comunicacion orau.

Comitat d'organizacion de RECLAM : Camille Guichard-Libersac (IKER), Paula Alexandra Montenegro Gómez (CLLE-Montaigne), Lucie Paillet (IKER), Natália Penitente Andrade (USP), Lucie Robert (IKER), Marie Sarraute-Armentia (IKER)