Session en omenatge a Gerard Gouiran (Lo Rove, 1945 – Lo Martegue, 2025)

Gerard Gouiran, entre rigor e “foldat”

A l’escasença del congrès de Brussèlas, lo conselh d’administracion de l’AIEO avèm a còr de far omenatge a Gerard Gouiran, secretari puèi vicepresident de l’associacion, cercaire e ensenhaire que sos trabalhs an prigondament marcats los estudis occitans, e mai largament la filologia romanica. Per son exigéncia intellectuala e sa dobertura metodologica, saupèt trespassar las trencaduras que s’establisson tradicionalament entre fina amor e poesia guerrièira, entre escritura lirica e escritura narrativa, entre literatura e istoriografia, per tal de prepausar un apròchi mai complèx, mai coerent e mai dinamic de l’escrich occitan medieval.

Totun, l’accion de Gerard Gouiran se limitèt pas estrictament al camp de la recèrca. Joguèt tanben un dels primièrs ròtles dins l’engatjament en favor de la reconeissença institucionala de la lenga, de la literatura e de la cultura occitanas. Còsta d’autres actors màgers, mas sempre en primièira linha, contribuïguèt a far passar lo “patés” — que sos parents vergonhavan de lo li parlar — a l’estatut de lenga d’ensenhament e de recerca, estatut uèi plenament admés.

Se marcava pas un estrambòrd dels pus bèls per las celebracions, Gerard Gouiran donava un grand prètz al rescontre. Aviá lo talent rar de federar a rand d’el de cercaires de generacions diferentas, dins un esperit de rigor, de libertat e de convivialitat — lo meteis esperit qu’el teniá lausat en cò “d’aqueles trobadors que se cresián d’o se poder permetre tot”.

Volèm que la session que li serà dedicara siá lo perlongament d’aquel esperit : un convit a butar mai luènh la reflexion e l’escambi, dins la meteissa exigéncia intellectuala e la meteissa generositat umana, entre rigor e “foldat”.

Gilda Caïti-Russo, Mary Franklin-Brown

Octobre de 2025

Session en hommage à Gérard Gouiran (Le Rove, 1945 – Martigues, 2025)

Gérard Gouiran, entre rigueur et “foudat”

À l’occasion du congrès de Bruxelles, le conseil d’administration de l’AIEO tient à rendre hommage à Gérard Gouiran, secrétaire puis vice-président de l’association, chercheur et enseignant dont les travaux ont profondément marqué les études occitanes et, plus largement, la philologie romane. Par son exigence intellectuelle et son ouverture méthodologique, il a su dépasser les clivages traditionnellement établis entre fin’amor et poésie guerrière, entre écriture lyrique et écriture narrative, entre littérature et historiographie, afin de proposer une approche plus complexe, plus cohérente et plus dynamique de l’écrit d’oc médiéval.

L’action de Gérard Gouiran ne s’est toutefois pas limitée au champ strict de la recherche. Il s’est également distingué par son engagement en faveur de la reconnaissance institutionnelle de la langue, de la littérature et de la culture occitanes. Aux côtés d’autres acteurs essentiels, mais toujours en première ligne, il a contribué à faire passer le “patois” — que ses parents avaient eu honte de lui parler — au statut de langue d’enseignement et de recherche, aujourd’hui pleinement intégrée.

S’il se montrait réservé à l’égard des célébrations, Gérard Gouiran attachait une grande importance à la rencontre. Il possédait ce rare talent de fédérer, autour de lui, des chercheurs de différentes générations, dans un esprit de rigueur, de liberté et de convivialité — celui-là même qu’il admirait chez “ces troubadours qui croyaient pouvoir tout se permettre”. 

La session qui lui est dédiée se veut le prolongement de cet esprit : une invitation à poursuivre la réflexion et l’échange, dans la même exigence intellectuelle et la même générosité humaine, entre rigueur et “foudat”. 

Gilda Caïti-Russo, Mary Franklin-Brown

Octobre 2025