Dempuèi 2017, l’AIEO decernís cada annada dos prèmis per recompensar l’excelléncia academica dins lo domeni de l’occitan, lo prèmi Pèire Bec per un memòri de mastèr e lo prèmi Peter Ricketts per una tèsi de doctorat.
Organizacion e reglament dels prèmis
Prèmi Pèire Bèc per un memòri de mastèr en estudis occitans
Lo prèmi Pèire Bèc, d’una dotacion de 400 euros, es atribuït a l’autor.e d’un memòri de mastèr en estudis occitans o d’un trabalh scientific comparable de fin d’un segond cicle universitari, que pòrta sus la lenga, la literatura o la cultura occitanas, dins una optica istorica o contemporanèa, o qu’inclutz d’aspèctes de la lenga, la literatura o la cultura occitanas a títol comparatiu. Aquel trabalh deu èsser considerat, per sa qualitat e son apròchi innovador, coma digne d’una recompensa. Las memòrias de licéncia/bachelor o autras òbras de fin de primièr cicle universitari, e las tèsis de doctorat son pas admissiblas a aquel prèmi.
Procedura de presentacion
Los memòris de mastèr correspondent a las exigéncias descrichas çai sus e avent recebut una nòta o una mencion netament al dessús de la mejana, pòdon èsser presentats per los ensenhant.e.s universitaris que los an dirigits o avalorats. Es egalament possible que los autor.e.s de las memòrias prepausan lor trabalh dirèctament al près de l’AIEO. Lo comitat de seleccion, compausat dels membres del conselh d’administracion de l’AIEO, s’amassa dins los quatre meses segon la data limita de somission de las òbras (15 de febrièr) per tal de seleccionar los/las laureat.a.s. Son susceptibles d’èsser presentats cada annada dels memòris de mastèr desliurats entre lo 1èr de febrièr de l’annada precedenta e lo 31 de genièr de l’annada en cors. Los documents seguents son a enviar :
- Un exemplar del memòri de mastèr prepausat jos forma electronica (fichièr PDF) ;
- Un resumit del memòri dins doas lengas de l’AIEO dont l’una es l’occitan ;
- Un curriculum vitæ abreujat de l’autor.e que menciona clarament son perfil universitari e sos domenis de recèrca ;
- Una letra annèxa dins la quala l’ensenhaire.e avent dirigit lo memòri certifica la nòta o la mencion atribuïda a aquel trabalh. Eventualament, un certificat de fin d’estudis / Transcript of recòrds, dins lo qual la nòta / la mencion del memòri es precisada, pòt èsser fornit, sustot se lo memòri es prepausat per son autor.e e non pas per l’ensenhaire.e l’avent dirigit.
Totes los documents son a enviar jos forma electronica (fichièrs PDF) a l’adreça seguenta al pus tard lo 15 de febrièr : secretaire@aieo.org.
Los dossièrs incomplèts pòdon pas èsser pres en consideracion.
La decision pertocant lo memòri a lo qual lo prèmi serà decernit es presa pel Conselh d’Administracion de l’AIEO sus la basa d’una avaloracion de totas las òbras presentats. Per aquela avaloracion, lo CA de l’AIEO pòt recórrer a d’évaluateurs extèrns. Lo CA de l’AIEO informarà generalament los/las laureat.a.s pendent la 2nda mitat de l’annada correnta. Las annadas ont se tenon los congrèsses de l’AIEO o dels JCDO, los prèses de l’AIEO son, dins la mesura del possible, remés pendent aqueles congrèsses.
Prèmi Peter Ricketts per una tèsi de doctorat en estudis occitans
Lo prèmi Peter Ricketts, d’una dotacion de 1000 euros, es atribuït a l’autor.e d’una tèsi de doctorat en estudis occitans o d’un trabalh scientific comparable de fin d’un tresen cicle universitari, que pòrta sus la lenga, la literatura o la cultura occitanas, dins una optica istorica o contemporanèa, o qu’inclutz d’aspèctes de la lenga, la literatura o la cultura occitanas a títol comparatiu. Aquel trabalh deu èsser considerat, per sa qualitat e son apròchi innovador, coma digne d’una recompensa. Los memòris de mastèr, de licéncia/bachelor o autras òbras de fin de primièr o segond cicle universitari, son pas admissibles a aquel prèmi.
Procedura de presentacion
Las tèsis de doctorat correspondent a las exigéncias descrichas çai sus e avent recebut una nòta o una mencion clarament al dessús de la mejana, pòdon èsser presentadas per los ensenhant.e.s universitaris que los an dirigidas o avaloradas. Es egalament possible que los autor.e.s de las tèsis prepausan lor trabalh dirèctament al près de l’AIEO. Lo comitat de seleccion, compausat dels membres del conselh d’administracion de l’AIEO, s’amassa dins los quatre meses segon la data limita de somission de las òbras (15 de febrièr) per tal de seleccionar los/las laureat.a.s. Son susceptibles d’èsser presentadas cada annada de las tèsis desliuradas entre lo 1èr de febrièr de l’annada precedenta e lo 31 de genièr de l’annada en cors. Los documents seguents son a enviar :
- Un exemplar de la tèsi doctorala prepausada jos forma electronica (fichièr PDF) ;
- Un resumit de la tèsi dins doas lengas de l’AIEO dont l’una es l’occitan ;
- Un curriculum vitæ abreujat de l’autor.e que precisa son perfil universitari e sos domenis de recèrca ;
- Una letra annèxa dins la quala lo director o la directritz de tèsi certifica la nòta o la mencion atribuïda a aquel trabalh. Eventualament, un certificat de fin d’estudis / Transcript of recòrds, dins lo qual la nòta / la mencion de la tèsi es precisada, pòt èsser fornit, sustot se la tèsi es prepausada per son autor.e e non pas per l’ensenhaire.e l’avent dirigida.
Totes los documents son a enviar jos forma electronica (fichièrs PDF) a l’adreça seguenta al pus tard lo 15 de febrièr : secretaire@aieo.org.
Los dossièrs incomplèts pòdon pas èsser pres en consideracion.
La decision pertocant la tèsi a la quala lo prèmi serà decernit es presa pel Conselh d’Administracion de l’AIEO sus la basa d’una avaloracion de totas las òbras presentats. Per aquela avaloracion, lo CA de l’AIEO pòt recórrer a d’évaluateurs extèrns. Lo CA de l’AIEO informarà generalament los/las laureat.a.s pendent la 2nda mitat de l’annada correnta. Las annadas ont se tenon los congrèsses de l’AIEO o dels JCDO, los prèses de l’AIEO son, dins la mesura del possible, remés pendent aqueles congrèsses.
(crèdits imatges : Ricketts, Peter T., Le Breviari d’amor et la tradition encyclopédique du Moyen Âge [corpus] / Peter T. Ricketts, conférencier, Occitanica – Mediatèca Enciclopedica Occitana / Médiathèque encyclopédique occitane)
Aquí las darrièiras actualitats a prepaus dels prèmis de l’AIEO :